July 24, 2026 
Valletta 
Dan l-avveniment tant mistenni li jittella’ kull sentejn jirritorna fil-Port il-Kbir fis-sajf tal-2026, bi spettaklu grandjuż li issa sar sinonimu ma’ din is-serata mtella’ mill-Aġenzija Kulturali għall-Belt Valletta. L-edizzjoni ta’ din is-sena twiegħed produzzjoni viżwalment impressjonanti, b’diversi elementi li jdawlu l-Port il-Kbir kif kapaċi jagħmel biss il-Valletta Pageant of the Seas.
Il-Valletta Pageant of the Seas jistieden lill-udjenza għal koreografija fuq il-baħar li tinkludi luzzu tradizzjonali, mużika live, kayaks, u jottijiet fil-Port il-Kbir f’wirja kkoordinata. Il-port imbagħad jittrasforma bi spettaklu ta’ funtani, projezzjonijiet bil-lejżer, effetti tad-dawl, u piroteknika, li joħolqu esperjenza viżwali impressjonanti fil-Port il-Kbir. Is-serata tintemm b’wirja grandjuża ta’ logħob tan-nar.
Għall-ewwel darba, sidien ta’ dgħajjes privati jistgħu japplikaw biex isegwu l-Valletta Pageant of the Seas 2026 minn żona apposta għall-ispettaturi fil-Port il-Kbir, u jesperjenzaw dan l-ispettaklu uniku mill-baħar.
Sidien ta’ dgħajjes li jixtiequ jidħlu fiż-żona allokata għall-ispettaturi għandhom jimlew il-formola ta’ applikazzjoni. Id-dgħajjes jistgħu jipproċedu lejn din iż-żona bejn is-7:30 p.m. u t-8:30 p.m., suġġett għall-permess minn Valletta VTS.
L-applikazzjonijiet kollha se jiġu evalwati, u l-konferma tintbagħat lill-applikanti magħżula qabel l-avveniment.
Il-Valletta Pageant of the Seas qed tiġi organizzata għal darb’oħra mill-Aġenzija Kulturali għall-Belt Valletta, bl-appoġġ ta’ Visit Malta.
