Dawn l-esperti tad-disinn se jippreżentaw l-esperjenza tagħhom sabiex jassistu lil dawk li jipprovdu s-servizzi fl-iżvilupp ta’ portafoll ibbażat fuq il-bżonnijiet tal-utenti. Din it-taħdita ser tibni fuq l-esperjenza li l-Valletta Design Cluster kiseb permezz tal-proġett Design4Innovation (Interreg Europe) matul dawn l-aħħar ħames snin, li ra diversi msieħba Ewropej jaħdmu kollettivament biex jappoġġjaw l-Intrapriżi żgħar u medji fir-reġjuni tagħhom permezz tal-użu tad-disinn.