Il-Valletta Design Cluster (VDC) bi pjaċir ospitat l-ewwel hackathon tagħha, il-Mobility Innovation Design Sprint, fis-16 u s-17 ta’ Novembru. Dan l-avveniment li huwa parti mill-attivitajiet tal-VDC taħt l-EIT Urban Mobility project, kellu l-għan li jindirizza l-isfidi urġenti tal-mobbiltà urbana permezz ta’ kreattività, kollaborazzjoni u innovazzjoni mill-aktar avvanzata.
Id-design sprint li sar fl-istudios u l-faċilitajiet ta’ residenza tal-ogħla livell li jinsabu fil-Cluster ġabar flimkien uħud mill-aqwa mħuħ biex jiġu żviluppati soluzzjonijiet trasformattivi għat-trasport urban sostenibbli. Il-parteċipanti kellhom l-opportunità imprezzabbli li jiġu ggwidati mill-esperti stmati: Prof. Matthew Montebello, mexxej fl-Intelliġenza Artifiċjali, Dr. Suzanne Maas, persuna ta’ awtorità fil-qasam tal-Mobbiltà Urbana fl-iBliet tal-Gżejjer, u s-Sinjura Marisa Abela Gatt, speċjalista fil-Ħsieb tad-Disinn.
L-avveniment intemm b’pitch session vibranti, fejn it-timijiet ippreżentaw l-ideat tagħhom lil bord ta’ għażla. Ir-rebbieħa tal-premju ewlieni kien Glazed, (Bryan Spiteri, Jacob Ellul, Keith Farrugia, u Luca Vella) tim ta’ studenti tax-xjenza tal-kompjuter mill-Università ta’ Malta li impressjonaw lill-board tal-għażla bis-soluzzjoni diġitali innovattiva tagħhom biex itejbu l-esperjenza ta’ dawk li jagħmlu użu mit-trasport pubbliku.
It-tieni u t-tielet premjijiet ingħataw lil KSS u lil HALLD, li t-tnejn ippreżentaw proġetti ta’ ispirazzjoni ffukati fuq soluzzjonijiet alternattivi ta’ mobbiltà.
Il-VDC huwa impenjat li jrawwem l-innovazzjoni u jagħti s-setgħa lill-individwi biex jużaw il-kreattività u l-innovazzjoni tagħhom biex joħolqu soluzzjonijiet sostenibbli. Din l-ewwel-edizzjoni ta’ hackathon timmarka pass sinifikanti fil-vjaġġ tal-Cluster lejn it-tfassil ta’ futur aktar konness u aċċessibbli.
Għal aktar informazzjoni dwar il-Valletta Design Cluster u l-inizjattivi tagħha, żur https://www.vca.gov.mt/mt/valletta-design-cluster/
