Illibera l-potenzjal kreattiv tiegħek u ngħaqad ma’ persuni oħra li jaħsbuha bħalek fil-Valletta Design Cluster.
Ingħaqad magħna bħala membru regolari u ibda uża l-Valletta Design Cluster biex tillibera l-potenzjal kreattiv tiegħek u tingħaqad ma’ disinjaturi u kreattivi oħrajn li jaħsbuha bħalek. Tista’ taħdem mill-ispazju tax-xogħol konġunt , jew tuża l-Makerspace biex l-ideat tiegħek isiru realtà! U jekk inti interessat fid-disinn tal-ikel, tista’ toħloq prodotti tal-ikel innovattivi u funzjonali u anki esperjenzi f’waħda mill-kċejjen tagħna mgħammra b’mod sħiħ bl-isem ta’ Foodspace.
X’inhu l-Valletta Design Cluster?
Il-Cluster, li jinsab fiż-żona magħrufa bħala l-Biċċerija, huwa ċentru vibranti għad-disinjaturi, l-artisti, u l-innovaturi li huma ħerqana biex joħolqu u jiżviluppaw soluzzjonijiet tad-disinn kif ukoll spazju komunitarju li jappoġġja l-intrapriża soċjali pożittiva u l-bidla. B’aċċess għall-faċilitajiet, għat-tagħmir, għall-ispazji tax-xogħol kollaborattivi, u b’komunità ta’ ispirazzjoni ta’ kreattivi, id-design cluster huwa l-post perfett biex il-ħolm tiegħek tad-disinn isir realtà.
Il-komunità tagħna tibbenefika wkoll minn firxa ta’ avvenimenti, workshops, u opportunitajiet ta’ netwerking li norganizzaw kull xahar. Kemm jekk int intraprenditur tad-disinn li ilek ħafna f’dan ix-xogħol kif ukoll jekk għadek tibda, il-Cluster jipprovdi r-riżorsi li għandek bżonn biex tirnexxi.
Kif nista’ nissieħeb?
Għandek bżonn biss tirreġistra biex issir Membru Regolari
Is-sħubija se tiswieli l-flus?
Fil-qosor, iva. Għalkemm bil-flus il-miżata hija affordabbli ħafna. U s-Sħubija Regolari hija b’xejn jekk int student! Is-sħubija se tagħtik l-aċċess għall-ispazji, għall-għodod u għat-tagħmir. Iċċekkja din il-paġna għad-dettalji dwar it-tariffi
Kif nista’ nkun naf li jgħodd għalija?
Mhux ċert li s-sħubija tgħodd għalik? Tista’ tgħaddi s’għandna meta nkunu miftuħin u tgħid kelma mat-tim tal-istaff tal-Valletta Design Cluster Nissuġġerixxu li tibgħatilna email jew iċċemplilna minn qabel sabiex nassiguraw li persuna mit-tim tagħna tkun tista’ tiltaqa’ miegħek.
