Ir-ritratt ‘Urban Melody’ ta’ Dragna Rankovic, huwa parti mill-wirja ta’ sena TNAX u se jkun esebit bejn l-1 ta’ Marzu u l-4 ta’ April.

Meħud f’Jannar 2019, dan ir-ritratt kien il-bidu tal-esperimentazzjoni tagħa fuq ritrattti multi-exposure. Hija tara lill-Belt Valletta bħala post ikoniku b’arkitettura affaxxinanti u għalhekk post ideali għal fotografija multi-exposure.

Il-kuratur tal-esibizzjoni, Therese Debono, tuża l-fotografija dokumentarja biex tieħu ritratt ta’ postijiet fil-periklu, interjuri lokali, u ritratti mill-ħajja ta’ kuljum biex tesplora u tinterpreta l-ħajja.

Rankovic twieldet l-Isvezja minn ġenituri Serbi u kienet dejjem kurjuza biex tesplora aktar. Hija studjat il-film u l-istampar fl-iSmithsonian Institute f’Washington DC u wara snin ta’ vjaġġar, li matulhom il-kamera dejjem akkumpanjatha, issa ila tgħix Malta għal dawn l-aħħar seba’ snin fejn tmexxi studiow ma’ numru ta’ artisti u qed tibni x-xogħol fotografiku tagħha.

TNAX huwa maħluq u prodott mill-Aġenzija Kulturali tal-Belt Valletta b’kollaborazzjoni mal-Kunsill Lokali tal-Belt Valletta.