Opera in the Capital – The Three Tenors huwa kunċert annwali fil-programm tal-Aġenzija Kulturali għall-Belt Valletta bis-sehem tat-tliet tenuri Maltin ta’ fama internazzjonali, Nico Darmanin, Cliff Zammit Stevens u Alan Sciberras.

Dan il-kunċert jittella’ taħt id-direzzjoni mużikali tal-Maestro. Michael Laus u l-Maestro Ryan Paul Abela, nhar l-Erbgħa 28 ta’ Ġunju fi Pjazza San Ġorġ, il-Belt Valletta, fit-8pm.

Opera in the Capital – The Three Tenors joffri serata ta’ melodiji famużi mad-dinja kollha u dan huwa t-tielet kunċert mis-serje li qed jittella’ wara s-suċċess tal-ewwel żewġ edizzjonijiet. Ir-ripertorju tas-serata huwa wieħed mill-iktar melodiċi u jinkludi bosta siltiet popolari minn dawn it-tliet tenuri b’vuċijiet uniċi u partikolari ħafna.