Hekk kif insellmu lill-2023, il-Belt Valletta qed tħejji ruħha għall-aktar ċelebrazzjoni spettakolari tal-aħħar tas-sena li qatt ittellgħat!

L-attività tant mistennija tal-Ewwel tas-Sena fi Pjazza San Ġorġ ser tiġbed madwar 50,000 persuna. Din hija l-akbar ċelebrazzjoni tal-Ewwel tas-Sena b’xejn li qatt saret f’Malta u ser titella’ fil-qalba tal-Belt Valletta kif ukoll live fuq l-istazzjonijiet televiżivi lokali kollha.

Is-serata tibda bil-band Lara and the Jukeboys, segwita minn The Palace String Orchestra, immexxija minn Mro. Ryan Paul Abela u lineup stellari tal-aqwa talent Malti fosthom AIDAN, Drakard, Klinsmann, Jasmine, Megan May u Sarah Bonnici kif ukoll il-mistiedna speċjali Emma Muscat.

DJ Koroma & DJ Miggy, flimkien mal-preżentaturi Ron, Taryn Mamo Cefai, u Keane Cutajar, se jmexxu l-countdown akkumpanjati minn varjeta ta’ diski dance anthem u spettaklu ta’ logħob tan-nar mat-tokki ta’ nofs il-lejl.

Ingħaqad magħna biex insellmu lill-2023 u nagħtu bidu għall-2024 fil-Belt Valletta!

Żur il-paġni tal-Aħbarijiet tal-Aġenzija Kulturali għall-Belt Valletta u l-paġna ta’ Facebook għal aktar informazzjoni.