Il-vuċi rikka u l-preżenza manjetika tiegħu fuq il-palk jagħmlu lil José Cura wieħed mill-aktar artisti mfittxija fid-dinja. Minn Milan sa Vjenna, minn New York sa Buenos Aires, minn Melbourne sa Londra, huwa kanta l-aktar rwoli operistiċi impenjattivi fuq l-aktar palkijiet famużi madwar id-dinja. L-esperti jqisu li hemm ‘qabel u wara’ għal rwoli bħal Otello, Samson, Cavaradossi, Calaf, Peter Grimes u Tannhäuser mill-interpretazzjoni tagħhom mill-Maestro Cura.

Bħala mużiċist, Cura huwa wkoll direttur rinomat u kompożitur ta’ suċċess, kif ukoll direttur tal-palk rikonoxxut internazzjonalment. F’dan il-kunċert, akkumpanjat mill-pjanista Sofia Narmania, se jinterpreta firxa wiesgħa ta’ kanzunetti minn art twelidu l-Arġentina, kif ukoll waħda mill-kompożizzjonijiet tiegħu stess, ċiklu ta’ kanzunetti bbażat fuq il-poeżija ta’ Pablo Neruda. Miktuba bejn l-1995 u l-2006, Si muero, sobrevíveme! (If I die, survive me!) se jkollha wkoll l-attriċi rinomata Maltija Jane Marshall li, bil-ħames deċennji ta’ esperjenza tagħha fuq il-palk, se tagħti l-ħajja lil mart Neruda Matilde Urrutia.

Biljetti minn [teatrumanoel.com.mt](https://www.teatrumanoel.com.mt/default.asp?m=shows&id=1044)

Dan il-proġett qed jittella’ bl-appoġġ tat-Teatru Manoel.