Stejjer tal-Milied varji ser jittellgħu bil-pupazzi f’żewġ prestazzjonijiet ta’ 40 minuta minn Sean Briffa u Jeremy Vella. Iż-żewġ atturi għandhom esperjenza vasta fil-qasam u jispiraw ruħhom mix-shows tradizzjonali Ingliżi Punch and Judy, li jsiru f’kabini żgħar ikkuluriti fit-toroq tal-belt.

Minħabba l-miżuri ta’ mitigazzjoni ta’ kontra l-COVID-19, int ġentilment mitlub tibgħat email fuq info@vca.gov.mt biex tirriserva postok f’din l-attività. Il-postijiet huma limitati. Il-biljetti huma bla ħlas.

Dan l-aveniment huwa parti mill-Programm Christmas in the City tal-Aġenzija Kultuarli għall-Belt Valletta, li ser iseħħ bejn it-8 u l-24 ta’ Diċembru fil-pjazez prinċipali, postijiet strateġiċi u t-toroq pittoreski tal-Belt Valletta. Id-dwal tal-Milied u d-dekorazzjonijiet jistgħu jitgawdew mil-20 ta’ Novembru sal-ewwel ġimgħa ta’ Jannar.

Żur [il-paġna ta’ Facebook](https://www.facebook.com/vallettaculturalagency) jew il-websajt tal-aġenzija (www.vca.gov.mt) għall-programm sħiħ.