Is-sena 2023 rat ir-ritorn tal-grupp Chasing Pandora li reġgħu ngħaqdu għal kunċert f’Għawdex.

Dan il-kunċert intlaqa bil-kbir u Chasing Pandora se jirritornaw f’kunċert il-Belt Valletta, li jwiegħed li jerġa’ jqajjem memorji għeżież għall-udjenza hekk kif il-band tagħti prestazzjoni bl-aktar suċċessi emblematiċi tagħhom. Bit-titlu ‘Rendezvous’, Chasing Pandora ppjanaw dan il-kunċert b’mod metikoluż, biex jiżguraw li tkun esperjenza mużikali indimentikabbli. Magħrufa l-aktar għall-prestazzjonijiet f’teatru fuq ġewwa, fejn jissawru konnessjonijiet intimi mal-udjenza tagħhom, din il-prestazzjoni ta’ Chasing Pandora se tkun mimlija emozzjonijiet.

Chasing Pandora ser jieħdu lill-udjenza lura għall-album tad-debutt tagħhom ‘Mocking the Mockingbird’ u s-segwitu tiegħu ‘The Driver and the Dancer.’ Flimkien ma’ klassiċi ta’ żmien tagħhom, il-band se tie]u lill-udjenza fuq vjaġġ bl-għażla personali tagħhom ta’ covers, poeżiji oriġinali, u siltiet oħra mir-repertorju tagħhom. Jingħaqad ma’ Chasing Pandora fuq il-palk se jkun hemm lineup ta’ mużiċisti imħawwar, fosthom Danny Magro fuq il-kitarra, Ismael Azzopardi fuq il-keyboards, Steve Magro fuq il-bass, u Pawlu Portelli fuq id-drums. Flimkien, se joħolqu sinfonija ta’ ħoss u mumenti li jmissulek qalbek.

Titlifx dan il-kunċert straordinarju mimli nostalġija u emozzjoni. Id-dħul huwa b’xejn.