L-edizzjoni tal-2020 ta’ Capitol Cinema — il-programm ċinematografiku tal-Aġenzija — se tesplora r-rabta bejn il-ġeneru tal-Film u s-sensi umani.
The Five Senses Plus One ta’ Ċinerabilja huwa vjaġġ ċinematografiku li joffri esperjenza multisensorjali immersiva lill-udjenza, billi jgħaqqad il-films ma’ diversi forom artistiċi, fosthom installazzjonijiet artistiċi, it-teatru, il-poeżija, iż-żfin u l-mużika.
Kif tasal se nilqgħuk b’rappreżentazzjoni qasira bbażata fuq il-film, li tistiednek tisfida l-limiti u timxi minn spazju għal ieħor, litteralment u tematikament.
Dan il-proġett inħoloq minn Ċinerabilja u huwa ko-produzzjoni ta’ Ċinerabilja u l-Aġenzija Kulturali għall-Belt Valletta.
