Altofest jistabbilixxi lilu nnifsu bħala proġett ta’ soċjalità esperimentali, li kontinwament imur lura lejn il-konfini bejn dak li hu pubbliku u dak li hu privat, biex joħloq żona ta’ mingħajr sidien. F’din il-belt ġdida, f’wiċċ l-ilma, il-qasam tar-relazzjonijiet possibbli huwa ferm ikkulurit bl-intrużjoni tal-barranin li jġibu magħhom il-“corpus” artistiku tagħhom; artisti u ċittadini “donaturi tal-ispazju” li jgħixu flimkien, jaqsmu l-ħin u l-ispazju. Mhijiex biss kwistjoni li tospita artist f’dar privata, iżda l-preżenza ta’ kuljum ta’ artist li qed jaħdem se tikkontamina l-perspettiva ta’ kull min jgħix hemmhekk, normalment jew okkażjonalment. F’konformità mal-viżjoni u l-missjoni tal-Aġenzija Kulturali għall-Belt Valletta, l-edizzjoni Altofest Valletta hija mfassla speċifikament għall-Belt Valletta u ssegwi l-edizzjoni tal-2018 li saret mal-pajjiż kollu b’involviment taċ-ċittadini minn żoni differenti tal-Belt, fi djalogu wkoll mal-Valletta Design Cluster, l-ispazju komunitarju għall-prattika kulturali u kreattiva.

Għal aktar informazzjoni dwar dan il-proġett żur https://www.teatringestazione.com/altofest/valletta2022/