L-Artista Anna Calleja, waħda mir-Residenti fl-iStudjos tal-Valletta Design Cluster ser ittella’ workshop fejn il-parteċipanti se jkollhom iċ-ċans jitgħallmu metodi tradizzjonali tal-legatura tal-kotba. Oħloq ktieb iddisinjat personalment waqt li tagħti użu ġdid jew tirriċikla l-materjal. 

Anna Calleja se taqsam kif tista titrasforma pakkett karti u xi ħajt f’ġurnal marbut bl-idejn. Il-workshop jinkludi informazzjoni dwar it-tiwi, u kif ittaqqab u torbot flimkien il-karti tal-ktieb.

Dan il-workshop jittella’ fil-15 ta’ April bejn is-6pm u it-8.30pm u jiffoka fuq l-akkwist ta’ sett ta’ ħiliet uniċi b’mod sostenibbli.

Irreġistra postok illum