Magħruf għal kemm taqbiżlu malajr u għall-aġilità tiegħu madwar il-mejda tal-isnooker, biż-żewġ karatteristiċi jsiru sinonimi miegħu daqs l-ilbies li kien jilbes waqt il-kompetizzjonijiet, Tony huwa leġġenda ħajja kemm fix-xena lokali kif ukoll dik internazzjonalil tal-isnooker.
F’Marzu, f’ko-produzzjoni mal-Aġenzija Kulturali għall-Belt Valletta, Teatru Malta se jkun qed jipproduċi dramm b’attur wieħed ma’ ħadd ħlief Peter Galea, li se jieħu l-parti tal-istilla notorja tal-isnooker fid-dramm DRAGO – It-Tvenvin ta’ Tornado Tony, li se jittella’ fil-Klabb tal-Banda La Valette.
Ibbukkja fi grupp ta’ 4 u applika l-*promo code* VOTEDRAGO maċ-check-out fuq [showshappening.com](https://www.showshappening.com/Valletta-Cultural-Agency/DRAGO) biex tikseb skont ta’ 50%.
Din il-prestazzjoni qed titella taħt id-direzzjoni ta’ Sean Buhagiar, b’kitba ta’ André Mangion, u direzzjoni awdjoviżiva ta’ Charlie Cauchi.
Ser toqgħod attent għall-iskor? Il-produzzjoni tiftaħ fil-11 ta’ Marzu u tibqa’ għaddejja sal-20 ta’ Marzu bi prestazzjoni kuljum fit-8pm, miftuħa biss għal udjenza limitata ġewwa il-Każin tas-Società Filarmonica Nazionale La Valette.
Għal aktar tagħrif dwar DRAGO “It-Tvenvin ta’ Tornado Tony” u biex tibbukkja l-biljetti għall-prezz ta’ €15/€20, jekk jogħġbok żur is-sit [showshappening.com](https://www.showshappening.com/Valletta-Cultural-Agency/DRAGO)
