It-Teatru Manoel qed jipproduċi Serata Speċjali tal-Milied bis-sehem ta’ wieħed mill-aqwa tenuri Maltin Nico Darmanin, taħt direzzjoni mużikali ta’ Kris Spiteri.
B’kollaborazzjoni bejn it-Teatru Manoel, il-Fondazzjoni Temi Zammit u l-Aġenzija Kulturali għall-Belt Valletta, din is-serata speċjali tal-Milied tinkludi wkoll il-vuċijiet superlatttivi ta’ Jasmine Abela, Nadine Axisa u Nikki Vella, flimkien ma’ Adrian Brincat ir-Russu u t-Trio ta’ Kris Spiteri b’Alex Debono fuq il-perkussjoni, Simon Sammut fuq il-kuntrabaxx u Kris Spiteri fuq il-pjanu.
Din is-serata speċjali tal-Milied tiprometti serata ta’ ċelebrazzjoni, mużika rilassanti, u vuċijiet spettakolari. Dawn is-serati lajv ser jittellgħu fit-Teatru Manoel fid-29 u fit-30 ta’ Diċembru fit-8pm u fil 31st Diċembru fit-3pm. Ser ikun hemm ukoll xandira ta’ dan il-kunċert fl-Ewwel tas-Sena, fuq TVM, fil-4.45pm b’repetizzjoni fuq TVM 2 fit-2 ta’ Jannar fid-9pm.
Il-bilijetti jinxtraw għall prezz ta’ €20 u €15 għall-anzjani u studenti u l-booking isir fuq [teatrumanoel.com.mt](www.teatrumanoel.com.mt).
