Dan ir-ritratt jagħmel parti mis-serje ta’ Kevin Mallan li tiffoka fuq il-Parlament u nġibed f’Novembru 2020.

Dan ir-ritratt qed jiġi esebit bħala parti minn TNAX u se jkun għall-wiri fi Triq San Ġwann il-Belt Valletta, mill-5 ta’ April.

Il-proġett TNAX jippreżenta ritratti, miġbuda minn diversi fotografi ġejjin minn toroq tal-ħajja differenti u huwa kkurat mill-fotografa Therese Debono.

Kevin Mallan huwa artist viżiv u gradwat b’Masters fil-fotografija. Il-prattika tiegħu hija spiss ikkaratterizzata minn stampi dokumentarji ċari, approċċi fotografiċi sperimentali u test. L-iktar xogħol reċenti tiegħu jinvestiga l-kumplessità tar-relazzjonijiet soċjali, ekonomiċi u politiċi attwali ta’ Malta fil-viċinanza tas-suġġetti ta’ l-iżvilupp industrijali u l-kapitaliżmu globali.

TNAX huwa maħluq u prodott mill-Aġenzija Kulturali tal-Belt Valletta b’kollaborazzjoni mal-Kunsill Lokali tal-Belt Valletta.