{"id":25514,"date":"2022-10-21T07:30:34","date_gmt":"2022-10-21T07:30:34","guid":{"rendered":"https:\/\/www.vca.gov.mt\/?p=25514"},"modified":"2022-11-02T06:09:12","modified_gmt":"2022-11-02T06:09:12","slug":"dramm-dwar-il-ajja-ta-tony-drago","status":"publish","type":"post","link":"https:\/\/vca.gov.mt\/en\/blog\/dramm-dwar-il-ajja-ta-tony-drago\/","title":{"rendered":"Dramm dwar il-\u0127ajja ta\u2019 Tony Drago"},"content":{"rendered":"
\n

F\u2019dan id-dramm se jkun hemm biss protagonist wie\u0127ed li m\u2019huwa \u0127add \u0127lief Peter Galea, li se jie\u0127u l-parti tal-istilla tal-isnooker. Takkumpanja lil Galea se jkun hemm ukoll mejda tal-isnooker, li se tkun qed tintu\u017ca tul id-dramm.<\/p>\n

Dawk kollha li huma dilettanti tal-isnooker u li japprezzaw l-isportivi Maltin \u017cgur m\u2019g\u0127andhomx jitilfu dan id-dramm. Drago \u2013 It-Tvenin ta\u2019 Tornado Tony se jkun qed jittella\u2019 bejn il-11 u l-20 ta\u2019 Marzu fit-8 ta\u2019 filg\u0127axija fil-Ka\u017cin tas-Societ\u00e0 Filarmonika Nazionale La Valette.<\/p>\n

Ibbukkja fi grupp ta\u2019 4 u applika l-promo code<\/em> VOTEDRAGO ma\u010b-check-out fuq showshappening.com<\/a> biex tikseb skont ta\u2019 50%.<\/p>\n

Min hu Tony Drago?<\/p>\n

Imwieled fit-22 ta\u2019 Settembru 1965, Tony Drago huwa mag\u0127ruf Malta u anki lil hinn minn xtutna g\u0127all-karriera tieg\u0127u fl-isnooker u l-pool, u bla dubju huwa wie\u0127ed mill-aktar persuni li \u0121ab unuri g\u0127al Malta fil-qasam sportiv.<\/p>\n

Tony Drago rnexxielu jil\u0127aq l-g\u0127axar post fir-rankings dinjin tal-isnooker. Drago huwa mag\u0127ruf g\u0127all-a\u0121ilit\u00e0 tieg\u0127u madwar il-mejda tal-isnooker tant li huwa mlaqqam b\u0127ala Tornado Tony u fil-fatt kiseb diversi titli u rekords.<\/p>\n

Tony Drago trabba l-Belt Valletta. L-isnooker minn dejjem kellu post spe\u010bjali f\u2019qalbu u meta kien \u017cg\u0127ir kul\u0127add kien jg\u0127idlu li se jkun plejer tajjeb.<\/p>\n

L-ewwel darba li lag\u0127ab snooker kien g\u0127and Pawlu Curmi, il-Pampalun imma kien jilg\u0127ab ukoll il-Fossa u l-Mandra\u0121\u0121 u fil-klabb ta\u2019 tfulitu l-Anglo Maltese fi Strada Merkanti.<\/p>\n

Drago beda l-karriera kompetittiva lokali tieg\u0127u fi\u010b-Championship tas-subien fl-1980 fejn kien reba\u0127 kontra Arthur Cachia. Fl-1984 kien meqjus b\u0127ala plejer professjonali u talbuh biex jilg\u0127ab fil-World Amateur Snooker Championship. Ma kienx irnexxielu g\u0127aliex tilef fil-kwartifinali imma s-sena ta\u2019 wara qaleb uffi\u010bjalment professjonali.<\/p>\n

Tul is-snin Drago lag\u0127ab \u0127afna log\u0127biet professjonali u \u0127a sehem f\u2019\u0127afna tournaments li dak i\u017c-\u017cmien kienu meqjusin b\u0127ala l-ikbar fid-dinja. Drago jsostni li l-i\u017cjed plejer iebes li qatt sab huwa Steve Davis, l-i\u017cjed plejer ta\u2019 talent li qatt lag\u0127ab mieg\u0127u huwa Ronnie O\u2019Sullivan imma l-aqwa wie\u0127ed g\u0127alih huwa John Higgins.<\/p>\n